2026-жылдын 18-майында  ОЭАМУда бүтүрүүчү 5-курстун студенттери үчүн «Хирургия» жана «Ички оорулар» дисциплиналары боюнча обзордук лекциялар өткөрүлдү. Иш-чара келечектеги дарыгерлерди мамлекеттик жыйынтыктоочу аттестацияга жана кесиптик практикалык ишмердүүлүккө даярдоонун алкагында уюштурулду.

Лекциялардын жүрүшүндө клиникалык дисциплиналар кафедрасынын окутуучулары хирургиялык жана терапиялык оорулардын эң маанилүү жана кеңири таралган клиникалык учурларын, диагностика, дарылоо жана алдын алуу боюнча заманбап ыкмаларды кеңири талдап беришти. Өзгөчө көңүл клиникалык ой жүгүртүүнү өнүктүрүүгө, диагностикалык маалыматтарды интерпретациялоого жана медициналык жардам көрсөтүүнүн алгоритмдерине бурулду.

Обзордук сабактар студенттерге окуу жылдарында алган билимдерин системалаштырууга, негизги практикалык көндүмдөрүн бекемдөөгө жана бүтүрүү экзамендерине даярданууга мүмкүнчүлүк берди. Студенттер клиникалык кырдаалдарды талкуулоого активдүү катышып, суроолорду берип, теориялык даярдыгынын жогорку деңгээлин көрсөтүштү.

Мындай билим берүү иш-чараларын өткөрүү ОЭАМУдагы окуу процессинин маанилүү бөлүгү болуп саналат жана заманбап эл аралык стандарттарга жооп берген медициналык билим берүүнүн сапатын жогорулатууга багытталган.