ОЭАМУда AAEPO көз карандысыз аккредитациялык агенттик катышуусунда эл аралык аккредитация процесси башталды.

Учурда университет эл аралык институционалдык жана программалык аккредитациядан өтүүдө, бул жогорку окуу жайдын жалпы ишмердүүлүгүн жана билим берүү программаларын комплекстүү баалоону камтыйт.

9 адамдан турган эл аралык эксперттик комиссия үч күндүн ичинде университетте иш алып барып, билим берүү программаларын, окуу-методикалык базаны, илимий ишмердүүлүктү жана студенттердин клиникалык даярдыгын баалайт.

Эксперттер университеттин жетекчилиги, окутуучулар курамы, студенттер жана бүтүрүүчүлөр менен жолугушууларды өткөрүп, ошондой эле окуу аудиториялары, лабораториялар жана клиникалык базалар менен таанышат.

Аккредитациянын негизги максаты - ОЭАМУнун билим берүү ишмердүүлүгүнүн медициналык билим берүүнүн эл аралык сапат стандарттарына шайкештигин тастыктоо жана университеттин дүйнөлүк билим берүү мейкиндигиндеги атаандаштыкка жөндөмдүүлүгүн жогорулатуу.

Эл аралык аккредитациядан өтүү - университеттин өнүгүүсүндөгү маанилүү этап болуп саналат жана анын үзгүлтүксүз өркүндөөгө жана дүйнөлүк билим берүү коомчулугуна интеграцияланууга умтулуусун тастыктайт.