2026-жылдын 16-мартында Ош эл аралык медициналык университетинде 2-курс студенттери үчүн Public Health дисциплинасынын алкагында конок лекциясы болуп өттү.

      Лекцияны практикалык педиатр-невролог, эмчек эмизүү жана балдардын тамактануусу боюнча адис, доктор Исмаилова Азиза окуду. Жолугушуунун жүрүшүндө эне менен ымыркайдын тамактануусу, ошондой эле балдардын туура тамактануусунун жалпы калктын саламаттыгына таасир этүүчү маанилүү фактор экендиги тууралуу сөз болду.

     Лектор эмчек эмизүүнүн маанисине өзгөчө токтолуп, анын ар бир баланын келечектеги ден соолугун калыптандыруудагы ордун баса белгиледи. Студенттер эрте жаштагы туура тамактануунун өсүү, өнүгүү жана ар кандай ден соолук бузулууларын алдын алуу үчүн канчалык маанилүү экендиги тууралуу пайдалуу жана актуалдуу маалымат алышты.

     Мындай лекциялар студенттердин кесиптик билимин кеңейтүүгө, клиникалык ой жүгүртүүсүн өнүктүрүүгө жана эне менен баланын ден соолугун коргоо боюнча актуалдуу маселелерге кызыгуусун жогорулатууга өбөлгө түзөт.