2026-жылдын 15-январында Ош эл аралык медициналык университетинин делегациясы Фергана шарындагы Борбордук-Азия медициналык университетине жана Андижан мамлекеттик медициналык институтуна расмий иш сапар менен барды.

       Иш сапардын алкагында кабыл алуучу билим берүү уюмдарынын жетекчилиги менен жумушчу жолугушуулар өткөрүлдү. Жолугушууларда ЖОЖдор аралык кызматташтыкты өнүктүрүү, студенттер менен окутуучулардын академиялык мобилдүүлүгү, биргелешкен илимий-изилдөө ишмердүүлүгү, ошондой эле биргелешкен билим берүү жана илимий долбоорлорду ишке ашыруунун келечеги талкууланды.

       Иш сапардын негизги иш-чараларынын бири катары ОЭАМУнун профессору Муратов Ж.К. Борбордук-Азия медициналык университетинин студенттери үчүн конок лекциясын өткөрдү. Лекция заманбап медициналык илим жана билим берүүнүн актуалдуу маселелерине арналды, угармандар тарабынан чоң кызыгуу жаратты жана кесиптик активдүү талкуу менен коштолду.

       Иш сапардын жыйынтыгында тараптар өнөктөштүк мамилелерди мындан ары да бекемдөөгө өз ара кызыкдар экенин тастыктап, билим берүү, илимий жана эл аралык ишмердүүлүк багыттарында кызматташтыкты кеңейтүүгө даяр экенин билдиришти.

        Бул иш сапар Ошский эл аралык медициналык университетинин эл аралык өз ара аракеттенүүсүн өнүктүрүүдө өз учурунда жасалган маанилүү кадам болуп, анын Борбордук Азиянын билим берүү мейкиндигиндеги позициясын чыңдоого өбөлгө түздү.