28-августта Ош Эл аралык Медициналык Университетинин илимий кеңешинин жыйыны өткөрүлдү. Бул жыйынга факультеттин алдыңкы окутуучулары жана адистери чогулуп, жаңы окуу жылына даярдык көрүү жана факультеттин негизги багыттарын аныктоо маселелерин талкуулашты.

        Жыйындын жүрүшүндө ар бир билим берүү программасынын окуу планы кенен каралды. Окутуучулар өз пикирлерин бөлүшүп, заманбап окутуу методдору жана окуу процессин жакшыртуу боюнча сунуштарды талкуулашты. Талкуунун жыйынтыгы менен илимий кеңеш бардык багыттар боюнча жаңыланган окуу программаларын бекитти. Бул студенттерге заманбап медициналык билим берүү стандарттарына ылайык сапаттуу билим алууга мүмкүнчүлүк берет.

        Маанилүү көңүл окуу процессин оптималдаштырууга жана ички иштерди өркүндөтүүгө бурулду. Кеңеш мүчөлөрү сабактардын натыйжалуулугун жогорулатуу, заманбап окуу технологияларын колдонуу, студенттердин окуу жетишкендигин  көзөмөлдөө жана факультеттин уюштуруу процесстерин жакшыртуу жолдору тууралуу талкуулашты.

       Университеттин ректору жана проректору студенттер менен илимий кызматташтыкты активдүү жүргүзүүнүн маанилүүлүгүн белгилешти. Алар окутуучуларды студенттерди биргелешкен илимий долбоорлорго жана изилдөө макалаларына тартууга чакырышты. Бул окуу процессин байытып гана тим болбостон, студенттерге илимий иштерди жүргүзүү жана критикалык ой жүгүртүүнү өнүктүрүүчү практикалык көндүмдөрдү берет.

       Жыйын факультеттин келерки окуу жылына багытталган негизги максаттары жана артыкчылыктуу иштерин аныктоого мүмкүндүк берди. Так коюлган максаттар жана макулдашылган стратегиялар окуу процессинин ийгиликтүү өнүгүүсүнө, илимий ишмердүүлүктүн активдешүүсүнө жана факультеттин университет ичинде жана кесиптик чөйрөдө беделинин жогорулоосуна бекем негиз түзөт.