Билим берүү жана илим министрлиги өлкөдөгү жогорку окуу жайларга абитуриенттерди кабыл алуу үчүн босого баллдарды бекитти.

         Гранттык жана келишимдик негизде окууга тапшыруу үчүн негизги тест боюнча босого — 110 балл, ал эми предметтик тесттер боюнча — 60 балл болуп белгиленди.

         Ар түрдүү багыттар боюнча босого баллдар төмөнкүдөй:

• Педагогикалык билим берүү багыттары боюнча:
     — 130 балл — гранттык орундар үчүн,
     — 115 балл — келишимдик (контракттык) негизде окуу үчүн.

• Саламаттык сактоо багыттары боюнча:
     — 120 балл — гранттык негизде,
     — 110 балл — контракттык негизде.

• Айыл чарба жана айыл чарба илимдери багыттары боюнча:
     — 100 балл — гранттык жана контракттык негизде тең.

Бул багыттар үчүн предметтик тест боюнча да босого — 60 балл болуп калды.

         I жана II топтогу майыптыгы бар жарандар, балалык чагынан ден соолугунун мүмкүнчүлүгү чектелгендер, толук жетимдер жана ата-энесинин камкордугусуз калган балдар үчүн (медициналык жана фармацевтикалык адистиктерден тышкары) негизги тесттин босогосу 90 балл деп белгиленди — бул гранттык жана бардык контракттык окуу формалары үчүн колдонулат.

     Кыргызстандагы ЖОЖдорго 2025/26-окуу жылына кабыл алуу кампаниясынын графиги да бекитилди

       Кыргызстандын Билим берүү жана илим министрлиги 2025/2026-окуу жылына ЖОЖдорго кабыл алуу боюнча буйрукка кол койду. Ага ылайык, абитуриенттерди Жалпы республикалык тесттин (ЖРТ) жыйынтыгы боюнча тандоо жана кабыл алуу 5 тур менен жүргүзүлөт:

1-тур: 14–19-июль
2-тур: 21–26-июль
3-тур: 28-июль – 2-август
4-тур: 4–9-август
5-тур: 11–16-август

       Эгер 5-турдан кийин бош орундар калса, 18–20-август күндөрү ЖОЖдор кошумча сунушталган талапкерлердин тизмесин жарыялашат.

 Кабыл алуу комиссиясынын номерлери:
+996 505 009 395 — Нишанкулова Эльнура Дилмураджановна
+996 773 120 303 — Султанова Тахмина Маликовна


Булак: https://bilim.akipress.org/ru/news:2295286