2025-жылдын 4-апрелинен 8-апрелине чейин Ош эл аралык медициналык университетинде фармакология жаатындагы эксперт жана FMGE/NEXT экзамендерине даярдоо боюнча алдыңкы насаатчы — доктор Анкита Кумар мейманда болду.

Доктор Кумар чет өлкөлүк факультеттин студенттери үчүн бир нече лекцияларды жана интенсивдүү окутуу сессияларын өткөрдү. Анын мастер-класстары студенттер арасында чоң кызыгуу жаратты жана эл аралык экзамендерге жогорку деңгээлде даярданууга умтулган студенттер залды толтурду.

Сапарынын алкагында ал студенттер менен жекече жолугушуп, алардын суроолоруна жооп берип, фармакологияны үйрөнүү жана экзаменге даярдануу боюнча баалуу кеңештери менен бөлүштү. Студенттер анын жогорку кесипкөйлүгүн, материалды жөнөкөй жана түшүнүктүү берүү жөндөмүн, ошондой эле мотивациялык атмосферасын өзгөчө белгилешти.

Биз доктор Кумарга ыраазычылык билдирип, келечекте дагы жемиштүү кызматташууну үмүт кылабыз!