26-январь 2026-жылы Ош эл аралык медициналык университетинде жаңы студенттердин ата-энелери жана Индиядан келген билим берүү агенттиктеринин өкүлдөрү менен университет жетекчилигинин жолугушуусу өттү.

     Жолугушууда ОЭАМУ жетекчилиги окуу процессинин уюштурулушу, окуу жана жашоо шарттары, студенттердин жетишкендиктерин баалоо жана көзөмөлдөө системасы, ошондой эле чет өлкөлүк студенттердин адаптациясы жана колдоосу боюнча негизги маалыматтарды сунуштады. Ата-энелер өздөрүн кызыктырган суроолорду берип, окууга байланыштуу академиялык жана уюштуруучулук маселелер боюнча кеңири түшүндүрмөлөрдү алышты.

      Өзүнчө көңүл билим берүү агенттиктери менен кызматташууга бурулду: Индиядан келген агенттиктердин өкүлдөрү университет администрациясы менен абитуриенттерди жана студенттерди коштоп жүрүү, маалыматтык колдоо, ошондой эле кызматташтыкты мындан ары өнүктүрүү жана өнөктөштүк байланыштарды бекемдөө маселелерин талкуулашты.

       Мындай жолугушуулар ишенимди бекемдеп, университет менен студенттердин үй-бүлөлөрүнүн ортосунда ачык диалогду күчөтөт жана ОММУнун ачык-айкындыкка, билим берүүнүн сапатына жана эл аралык натыйжалуу кызматташууга умтулуусун тастыктайт.