ОЭАМУда жылдык медициналык текшерүү: студенттер ВИЧ анализинен өтүүдө
2026-жылдын 20-23-январь күндөрү Ош эл аралык медициналык университетинде бардык студенттер үчүн ВИЧ анализдери жүргүзүлүүдө, бул иш-аракет жылдык медициналык текшерүүнүн алкагында өткөрүлөт.
Студенттердин ыңгайлуулугу үчүн ОЭАМУга СПИД борборунун квалификациялуу адиси чакырылган. Университетте кан алуу үчүн өзүнчө жай уюштурулган. Процедура медициналык кызматкер тарабынан бардык санитардык-гигиеналык эрежелерге ылайык жүргүзүлөт.
Жылдык медициналык текшерүү алдын алуу, ооруларды эрте аныктоо жана студенттердин өз ден соолугуна жоопкерчиликтүү мамиле кылуусуна багытталган.
