Каникул мезгилинде улук куратор Абдуллаева Б. университеттин эркек жана кыздар студенттик жатаканаларына барып, студенттердин жашоо шарттарын текшерди.

     Визиттин жүрүшүндө улук куратор студенттер менен баарлашып, алардын күнүмдүк жашоо-тиричилиги менен таанышты, бөлмөлөрдүн, ашканалардын жана жалпы пайдалануудагы жайлардын санитардык-тиричилик абалын, ошондой эле тамактануу шарттарын текшерди. Өзгөчө көңүл студенттердин коопсуздугуна, ыңгайлуулугуна жана ички тартиптин сакталышына бурулду.

     Студенттер өздөрүн кызыктырган суроолорду берип, сунуш-пикирлерин айтуу мүмкүнчүлүгүнө ээ болушту. Бардык айтылган сунуштар жана маселелер эске алынып, жашоо шарттарын мындан ары жакшыртуу үчүн каралат.

      Мындай куратордук визиттер үзгүлтүксүз жүргүзүлүп, университеттин студенттери үчүн коопсуз жана ыңгайлуу шарттарды түзүүгө багытталган.