ОЭАМУда Р.М.Тойчуевдин туулган күнүнүн 80 жылдыгына арнал эл аралык илимий конференциянын 6-секциясы өттү
2025-жылдын 17-декабрында эл аралык илимий конференциянын алкагында Ош эл аралык медициналык университетинин базасында Р.М.Тойчуевдин туулган күнүнүн 80 жылдыгына арнал эл аралык илимий конференциянын 6-секциясы ийгиликтүү өткөрүлдү.
Секциянын ишине Кыргызстандагы жана чет өлкөдөгү жогорку окуу жайлардын студенттери жана алардын илимий жетекчилери катышты. Алардын катарында Борбордук Азия эл аралык медициналык университети, Жалал-Абад эл аралык университети, Жалал-Абад мамлекеттик университети, Ош мамлекеттик университети жана Н. Н. Бурденко атындагы Воронеж мамлекеттик медициналык университети болду.
Башка университеттерден келген коноктор — окутуучулар үчүн Ош эл аралык медициналык университети боюнча тааныштыруу экскурсиясы уюштурулуп, анын жүрүшүндө алар университеттин инфраструктурасы, окуу аудиториялары жана материалдык-техникалык базасы менен таанышты.
Студенттер жана коноктор үчүн кофе-брейк уюштурулуп, андан соң иш үч секцияда улантылды. Ар бир секцияда Ош эл аралык медициналык университетинин окутуучуларынан жана чакырылган университеттердин өкүлдөрүнөн турган президиум иш алып барды.
Секциянын жыйынтыгында бардык студент-катышуучуларга катышуу сертификаттары тапшырылды. Эң мыкты илимий иштердин авторлору I, II жана III даражадагы дипломдор менен сыйланышты.
Ош эл аралык медициналык университетинин мыкты студенттери:
Sivakumar Sasi Varunan - I орун
Thoomathy Keerthana - II орун
Mohamed Elbana - II орун
Shweta Salve - II орун
Mohammed Saiff - III орун
Бул секция студенттердин илимий изилдөө ишмердүүлүгүн өнүктүрүү, тажрыйба алмашуу жана жогорку окуу жайлар аралык кызматташууну бекемдөө үчүн маанилүү аянтча болду.
