2025-жылдын 27-октябрынан баштап Ош эл аралык медициналык университетинде модулдук жума башталып динамикалык түрдө өтүп жатат. Ар кандай курстагы студенттер тестирлөөлөргө жана клиникалык көндүмдөрдү көрсөтүүгө активдүү катышып жатышат.

       Модулдук жуманын максаты — окуу материалын өздөштүрүү деңгээлин баалоо, практикалык компетенцияларды өнүктүрүү жана келечектеги дарыгерлердин илимий жана клиникалык ой жүгүртүүсүн калыптандыруу. Университеттин окутуучулары студенттердин билим деңгээлин баалоодо индивидуалдык мамилеге жана заманбап билим берүү технологияларын колдонууга өзгөчө көңүл буруп жатышат.

      Практикалык көндүмдөр менен клиникалык ой жүгүртүүгө өзгөчө маани берилет: студенттер ситуациялык тапшырмаларды аткарып, клиникалык кырдаалдарды талдап жана салттуу тесттик тапшырмалар аркылуу өз билимин көрсөтүшөт.

      ОЭАМУдагы модулдук жума — бул жөн гана билимди текшерүү эмес, өзүн көрсөтүүгө, тажрыйба алмашууга жана окутуучулардан баалуу сунуштарды алууга мүмкүнчүлүк.