24.10.2025ж. Ош эл аралык медициналык университетинде окутуучу Орунбаева Бибигүл тарабынан «Туучулук жана патология» темасында ачык сабак өткөрүлдү. Сабак ЛД6-1-25 тайпасынын студенттери үчүн уюштурулду.

   Сабак учурунда окутуучу тукум куучулук оорулардын берилишин, генетикалык факторлордун патологиянын өнүгүшүндөгү ролун, ошондой эле алардын диагноз коюу жана алдын алуу ыкмаларын кеңири түшүндүрдү.

    Иш-чара интерактивдүү түрдө өтүп, студенттер активдүү катышып, суроолорго жооп берип, кырдаалдык тапшырмаларды аткарышты. Мындай ачык сабактар окутуунун сапатын жогорулатууга жана келечектеги дарыгерлердин кесиптик жөндөмдөрүн өнүктүрүүгө өбөлгө түзөт.